Maska BsW

Хайку Міхаіла Сапега

Чытаю хайку вясёлага піцерскага паэта — міцька Міхаіла Сапега, заўважаю, што ў яго гумару, жарцікаў, іранічных усмешак, значна болей за лірызм, пачуццевае  назіранне, трапную паэтычную метафару. Не паэт лірык, адно гумарыст куплетыст.

Maska BsW

Выдатнікі і прыгонныя

Некалі вясёлы савецкі беларус Янка Брыль заўважыў: «Калі б беларусу загадалі быць беларусам, які б гэта быў выдатны беларус!».  Але няўжо на сам рэч беларусы такія паслухмяныя, як палонныя прыгонныя пад панскім ці савецкім сталінскім прыгнётам?  Няўжо не на нашым штандары словы паэта: «Людзьмі звацца!». 


Maska BsW

Кветкі

Беларусы любяць кветкі.
Касачы, півоні, у восень астры, цяпер рамонкі, божае дрэўца... Папараць кветка — нашае шчасце.
 У мяне на раёне, як і па ўсёй Беларусі дом тутэйшага чалавека адразу  пазнаеш, па касачам каля ганка, па ружоваму кусту півоні, рамонкі, белая  шыпшына і чырвоная ружа, блакітная ці ружовая гартэнзія пад плотам...
Калі хата зарослая бур'яном і лебядою, да варажбіткі не хадзі — або цыганы, або расейцы...
Мой сусед, пракурор з Расеі, у двары стэп і пустэча, сам "мілейшы" чалавек, разводзіць рукамі:
— Нерасцёць, ебіеёмаць, ніхера...

#belarus 


Maska BsW

Дранікі і вышыванкі

Некалі і я, як большасць беларусаў любіў дранікі з бульбы і нават насіў кашулю вышыванку, але пасля таго, як дзяржаўная машына прапаганды наклала сваю брудную лапку на дранік і выцерла пысу вышыванымі абрусамі, імітуючы беларускую ідэнтычнасць , і дранік для мяне счарсцвеў, і вышыванку не апрануць, каб не выглядаць імітатарам ці блазнам. Цяпер беларус у вышыванцы або дурань безгустоўны, або свалата бессаромны.